Behçet xəstəliyi

Giriş  

Behçet xəstəliyi – əsasən, kiçik damarları tutan vaskulit xəstəliklərindən biridir. Simptomlar özünü epizodlar (ataklar) şəklində göstərir.   

Simptomlar  

Əsas simptom:  

• Oral avtoz yaralar (1 il ərzində minimum 3 epizod)  

Digər simptomlar:  

• Cinsi nahiyədə xoralar  
• Uveit, retinit   
• Bəzi hallarda qızdırma və tromboz  

Diaqnostika  

Diaqnostik kriteriyalar  

Əsas kriteriya:  

• Oral avtoz xoralar (1 il ərzində minimum 3 epizod)  

Əlavə kriteriyalar:  

• Cinsi nahiyədə xoralar  
• Uveit, retinit   
• Dəri patologiyaları (məsələn: erythema nodosum=düyünlü eritema)  
• Pathergy testi:  
  • Pasiyentin bilək nahiyəsinin içəri səthinə steril iynə batırılır və ya 0,1 ml 0,9%-li fizioloji NaCl məhlulu yeridilir. Əgər 48 saat içərisində iynə batırılan yerdə papulopustulyoz dəyişikiklər müşahidə olunursa, test müsbət sayılır.   

Diaqnozun qoyulması üçün əsas kriteriya ilə yanaşı 2 əlavə kriteriya da qarşılanmalıdır.   

Müalicə   

Əsas müalicə:  

• Qlükokortikoidlər  
• Kolxisin   

Simptomatik müalicə:  

• Ağrıkəsici preparatlar (xoralar ağrılı olur)