Atrioventrikulyar blok

Giriş  

Atrioventrikulyar (AV) blok eyniadlı düyünün ötürücülük qabiliyyətinin pozulmasıdır. Pozulmanın dərəcəsindən asılı olaraq 3 formada təsnif olunur:

1-ci dərəcəli AV blok:

• EKQ-də PQ intervalı uzanır (PQ > 200 ms)

2-ci dərəcəli AV blok – iki tipə bölünür:

• Tip 1: PQ intervalı getdikcə artır və müəyyən nöqtədən sonra artıq QRS kompleksi müşahidə olunmur. 

• Tip 2: müntəzəm olaraq QRS kompleksi itir. P dalğasının QRS kompleksinə nisbəti, adətən 2:1 və ya 3:1 şəklində olur. 

3-cü dərəcəli AV blok:

• P dalğaları və QRS kompleksləri arasında əlaqə olmur. Yəni qulaqcıq və mədəciklər qeyri-sinxron şəkildə yığılırlar. 

Etiologiya   

• Ürək çatışmazlığı

• Miokard infarktı

• Kardiomiopatiyalar (hipertrofik, restriktiv və dilatativ kardiomiopatiya)

• Miokardit, endokardit

• Hiperkalemiya

• İdiopatik 

Simptomlar  

Adətən, 1-ci dərəcəli AV blok və 2-ci dərəcəli AV blok Tip 1 asimptomatik olur.

Digər hallarda isə, əsasən, aşağıdakı simptomlar müşahidə oluna bilər:

• Başgicəllənmə, sinkop 

• Kardiogen şok əlamətləri

Diaqnostika   

Diaqnoz EKQ əsasında qoyulur. Diaqnostik kriteriyalar yuxarıda verilmişdir.

Müalicə