Qeyri-adekvat ADH sindromu (SIADH)

Giriş   

Qeyri-adekvat ADH sindromu ( SIADH – Syndrome of inappropriate antidiuretic hormone secretion ) su-duz balansının pozulması ilə xarakterizə olunan nadir endokrin xəstəlikdir. Bu sindrom zamanı antidiuretik hormonun (ADH) artıq sekresiyası müşahidə olunur ki, bu da suyun orqanizmdə tutulmasına səbəb olur.   

Etiologiya   

Paraneoplastik səbəblər:  

• Ən çox rast gəlinən səbəb kiçik hüceyrəli ağciyər xərçəngi dir. Bu zaman şiş hüceyrələri ektopik olaraq ADH və ya ona bənzər peptidlər ifraz edir.  

Nevroloji səbəblər:  

• Kəllə-beyin travması  
• İnsult , beyindaxili qanaxmalar     
• Meningit  
• Multipl (dağınıq) skleroz     

Dərman mənşəli:  

• Tiazid diuretikləri  
• Antidepresantlar  
• Antipsixotik preparatlar  

Simptomlar  

Əksər hallarda asimptomatik olur. Lakin bəzən aşağıdakı qeyri-spesifik əlamətlər meydana çıxa bilər:  

• İştahsızlıq, ürəkbulanma, qusma  
• Başağrısı  

Diaqnostika  

Diaqnoz aşağıdakı kriteriyalara əsaslanır:  

• Hipotonik hiponatremiya:  
  • Plazmada natrium ↓  
  • Plazmanın hipoosmolyarlığı ↓  
• Sidiyin sıxlığının artması:  
  • Sidik osmolallığı ↑  
• Normovolemiya  
  • Ödem müşahidə olunmur  
• Digər mümkün səbəblərin istisna edilməsi  

Müalicə   

Ümumi yanaşmalar:  

• Səbəb olan xəstəliyin müalicəsi: məsələn, şiş xəstəliyi və ya beynin üzvi patologiyaları  
• Maye qəbulunun qəhdudlaşdırılması  

Dərman müalicəsi:  

• Vazopressin-antaqonistləri:  
  • Tolvaptan: ADH-in təsirini bloklayaraq sidik vasitəsilə suyun atılmasını artırır  
• Bəzən ağır hallarda:  
  • Hipertonik NaCl infuziyası  
  • Furosemid: diurezi artırmaqla orqanizmdə maye yığılmasının qarşısını alır