Qlioblastoma

Giriş  

Birincili beyin şişi olan qlioblastoma neyron və qlial sələf hüceyrələrdən inkişaf edir. İDH mutasiyasının olmaması onu digər astrositoma növlərindən fərqləndirir. Xəstəlik WHO ( World Health Organisation - Ümumdünya Sağlamlıq Təşkilatı) təsnifatına əsasən 4-cü dərəcə olaraq təsnif olunur.   

Əsasən, beyin yarımkürələrində inkişaf edən qlioblastoma prinsipcə beynin istənilən nahiyəsində yarana bilər.     

 

Simptomlar  

• Lokalizasiyadan asılı olaraq müxtəlif fokal nevroloji defisitlər müşahidə oluna bilər:  
  • Afaziya, hemiparez və ya hemihipesteziya, koqnitiv qabiliyyətin azalması, yaddaşın pozulması və s.  
• Epileptik tutma  
• Baş ağrısı , ürəkbulanma  

Diaqnostika  

Radioloji müayinə:  

• Kontrastlı MRT müayinəsi:  
  • Tipik müayinə nəticələri:  
    • Qeyri-homogen quruluş  
    • Şişin kontrast maddəni özündə tutması (beyin-qan bariyerinin pozulması nəticəsində)  
    • Şiş ətrafında ödem  

Molekulyar-patoloji müayinə:  

• İDH mutasiyasının olmaması  
• MGMT-promotor metilləşməsi:  
  • Müsbət olması proqnozun nisbətən daha yaxşı olmasına işarə edir  

Histopatoloji müayinə:  

• Şişin mərkəzində nekroz  
• Mikrovaskulyar proliferasiya (damarlanmanın artması)  

Müalicə  

Müalicə prinsipi palliativ yanaşmadan ibarətdir. Buraya aiddir:  

• Şişin rezeksiyası  
• Daha sonra şüa-terapiya ilə yanaşı kimyaterapiya (temozolomid, lomustin)