Qəbizlik

Giriş  

Qəbizlik – bir həftə ərzində 3 gündən daha az defekasiya aktının olması və ya defekasiyanın ağrılı olmasııdır. 

Etiologiya   

• Qidalanma mənşəli: 

  • Bitki mənşəli qidalardan az istifadə, az su içmək, az fiziki hərəkət etmək

• Dərman mənşəli: 

  • Opiatlar, antixolinergik preparatlar, alüminium hidroksid

• Hipotiroidizm 

• Diabetik qastroparez

• Hipokalemiya , hiperkalsemiya

• Bağırsaq mənfəzinin stenozuna səbəb olan patologiyalar:

  • İltihabi bağırsaq xəstəlikləri ( Kron xəstəliyi , xoralı kolit), bağırsaq şişləri

• Anadangəlmə patologiyalar:

  • Hirşprunq xəstəliyi

Diaqnostika       

Anamnez: 

• Qidalanma? Su içmək vərdişləri? Hərəkət?

• Dərman qəbulu? 

• Yanaşı simptomlar? (məsələn: çəki itkisi → şiş şübhəsi)

• Digər xəstəliklər? ( şəkərli diabet   → diabetik qastroparez)

Laborator müayinə:

• Nəcisin müayinəsi (nəcisdə qan? leykositlər?)

• Biokimyəvi analiz (elektrolit disbalansı? TSH?)

Koloskopiya:

• > 45 yaş şəxslərdə bağırsaq şişini çıxdaş etmək üçün aparılır

Müalicə   

Əsas kauzal terapiya etioloji faktorun (xəstəliyin) müalicəsindən ibarətdir. 

• Dərman mənşəli:

  • Dərman dozasının azaldılması, mümkünsə qəbulun dayandırılması

• Hipotiroidizm :

  • Tiroid hormonlarının substitusiyası (levotiroksin)

• Diabetik qastroparez:

  • Metoklopramid, domperidon

• İltihabi bağırsaq xəstəlikləri ( Kron xəstəliyi , xoralı kolit) → müvafiq müalicə

• Şiş xəstəlikləri:

  • Kimyaterapiya, şüa terapiya və ya cərrahi müalicə

• Hirşprunq xəstəliyi 

  • Cərrahi müalicə

Simptomatik müalicə mərhələli şəkildə aparılır:

• Həyat tərzinin dəyişdirilməsi: 

  • Bitki mənşəli qidalardan daha çox istifadə, daha çox su içmək, daha çox hərəkət etmək

• Dərman terapiyası: 

  • Polietilenqlikol (makroqol), laktuloza

• Bağırsağı imalə etmək (yalnız kəskin hallarda)