Hiponatremiya

Giriş  

Hiponatremiya, əsasən, maye balansının pozulması nəticəsində yaranır. Məsələn, ADH hormonunun miqdarının artması ümumilikdə qanın su hissəsinin nisbətini artırır ki, bu da natriumun “durulmasına” səbəb olur. Daha az hallarda isə həqiqi natrium itkisi müşahidə olunur (məsələn, diuretiklərin istifadəsi, diareya, qusma).   

Etiologiya   

• Hipervolemik forma:  
  • Natrium itkisi olmadan durulma effekti - orqanizmdə suyun miqdarının artması:  
    • Ürək çatışmazlığı , xroniki böyrək çatışmazlığı , qaraciyər sirrozu  
    • Xroniki alkoqolizm, psixogen polidipsiya  
• Hipovolemik forma:  
  • Həqiqi natrium itkisi:  
    • Böyrək mənşəli: diuretiklərin istifadəsi, adrenokortikal çatışmazlıq    
    • Qeyri-böyrək mənşəli: qusma, diareya, pankreatit  
• Normovolemik forma:  
  • ADH təsiri nəticəsində:  
    • Qeyri-adekvat ADH sindromu , hipotiroidizm  

Simptomlar  

• Hiponatremiya, əsasən, nevroloji simptomlarla özünü büruzə verir:  
  • Ürəkbulanma, baş ağrısı  
  • Ağır hallarda: epileptik tutma , koma  

Diaqnostika  

• Anamnez və fiziki müayinə:  
  • Dərman istifadəsi (diuretiklər)  
  • Hipervolemiya əlamətləri (ödem)  
• Laborator müayinə:  
  • Plazmada natrium konsentrasiyası <135 mmol/l  
  • Sidiyin osmolyarlığı və natrium konsentrasiyası  

Müalicə  

Ümumi prinsiplər:  

• Plazmada natrium konsentrasiyası <120 mmol/l olduqda intensiv terapiya  
• Hiponatremiya tədricən düzəldilməlidir: 24 saat ərzində 6–8 mmol/l-dən çox artırılmamalıdır  

• Hipovolemik forma:  
  • İzoton NaCl məhlulu   
• Normovolemik forma:  
  • Su qəbulunun məhdudlaşdırılması  
• Hipervolemik forma:  
  • Diuretik istifadəsi və su qəbulunun məhdudlaşdırılması